早前接愛財經專訪的節錄:
苗條為食妹
由做主播,到做司儀、拍攝旅遊節目,呢幾年身形仍然苗條的黃紫盈,點睇都唔似個為食妹? 但佢不諱言自己一日可以「食好多餐」,喺日本讀書時,每逢見到未食過的食物,都會買嚟食。雖然有時會「中伏」,唔係吓吓食中好嘢,但食過好嘢,必定推介畀朋友,結果肥咗5公斤返香港。
鍾意飲飲食食的黃紫盈,一直想喺飲食業大展拳腳,早排同一名對酒有專業認識的拍檔,喺觀塘開咗間酒窖,叫做皇后酒窖,主要賣德國酒,主打白酒、朱古力香味紅酒、朱古力奶酒、果香味葡萄酒等。
Sell酒唔離地
識酒之人,當然對酒有追求,而一般人對酒亦有自己的需要,坦言對酒認識唔算深的黃紫盈會問自己:「我自己鍾意飲的酒,或專業品酒師鍾意飲的酒,係咪代表大家想要嘅呢?」所以入手性價比高的酒,都係由拍檔負責,黃紫盈則從大眾、女性及年輕人角度為客人推介美酒,盡攬專業同大眾兩個酒品巿場。
因為酒窖賣的酒唔離地,唔少價錢都係百幾二百蚊支,性價比高、價錢貼地,又方便存放,「即係你買咗返屋企,飲唔晒雪落雪櫃,隔幾日仲飲得嘅酒。」
酒窖開咗約2個月,聖誕節、新年同情人節期間,唔少平時冇飲開酒的男女都走上嚟,撞見黃紫盈,都會問佢應該買乜酒送畀另一半好。黃紫盈話,女性多喜歡舒服、入口順滑的酒,而男性則喜歡酸度較高,可襯肉類晚餐嘅酒,各位巴絲打記住喇。
新聞工作訓練助創業
黃紫盈認為,做主播同記者畀到佢一個好好的訓練,由思考主題,到訪問邊個人,構思好後再要同攝影師夾,事後再要寫稿,將出街片段交畀剪接師,「講緊嘅係一手一腳,由零到有,出街果刻都係自己做。」就係咁,黃紫盈練成凡事可以親力親為嘅能力,今日同拍檔順利創辦酒窖,「無論創業,或擔當公司任何角色,都有好大幫助。」
訪問原文: http://www.hongkongcard.com/blogs/1938
了解更多關於皇后酒窖Queens Wine:
Facebook: www.facebook.com/queenswine.hk
Instagram: https://www.instagram.com/queenswine.official