盈悠の活得隨心

February 7, 2020

 

早前接受東周刊專訪,

文中開首一句「活得隨心,才是真正的黃紫盈」,

很能夠代表我。


以下是訪文節錄:

 

有人認為樹大好遮蔭,但亦有人不甘受制度束縛,前TVB新聞小花黃紫盈Connie,就偏要跳出安全網去遊大世界。近年,在網上不時看到她周遊列國,介紹旅遊景點。離開TVB六年,Connie已由主播變成旅遊達人,還有十數萬粉絲追隨,「我旅行鍾意同當地人溝通;推介嘅地方,都係有當地文化特色,連本地人都會去。」踏上「盈遊之路」,亦只是機緣巧合,說到目標,隨心的她答道︰「依家唔想Set太多限制俾自己,隨緣啦!」

 

外形活潑的Connie,性格同樣開朗,很容易與人打成一片,她自己也說拍旅遊節目是緣份,「當初從TVB跳出來,咩都想試吓,拍吓飲食節目,同幟哥合作,跟住又同媒體合作,拍片講吓旅遊體驗。」直至2016年,有人邀請她製作線上旅遊特輯,Connie先後走訪南非、新加坡、德國、加拿大拍攝,也正式開始了她的「盈遊世界系列」,「呢個旅程去咗成個月,最深刻係去南非開普敦,喺約翰內斯堡機場等轉機時,有個當地人問我哋攞護照,我哋以為佢係旅遊局啲人,就俾咗本護照佢,點知佢一攞咗就跑,仲一邊跑一邊話:『Hurry!No time!』,最後佢跑到轉機位置,再同我哋講:『Money!Money!』。我同佢講我哋身上無美金,只得巴西幣,佢開頭唔肯(歸還護照),最後佢都無攞到啲錢,仲俾番本護照我哋,呢次係我喺南非最恐怖嘅經歷。坦白講,我又唔覺得成個南非治安都係咁差,可能每個城市唔同,開普敦啲人好親切,餐廳侍應仲好鍾意講笑,會整蠱你。」

 

Connie自六年前離開TVB後,就開始當上自由人,曾做過電台DJ、飲食節目主持等,後來還開了製作公司,拍短片、當活動司儀,而製作旅遊節目是重點之一,「我上星期先去完澳門,幫一間日本公司搞嘅活動做純日語司儀,之後又要去日本做節目,今年飛得較多,平均一個月飛一至兩次。」起初以為經常周圍飛的Connie,皮膚會較差,但細看卻是白滑細緻,「我皮膚最差嘅年代,係做主播嘅時候,化住濃妝一日十幾個鐘,朝九晚廿四,日日都咁化,皮膚無得休息,唔生暗瘡就出奇。依家我做自己生意,安排彈性啲,有時做幕後,唔使化妝就會好好多。」

 

。。。

 

順心而行、活在當下,黃紫盈也~

 

 

相關新聞:

巴士的報: https://www.bastillepost.com/hongkong/article/5660937-主播變成旅遊達人-黃紫盈跳出安全網遊大世界

 

#司儀 #主持 #監製 #黃紫盈 #Conniewty #ConnieWong #MC #Emcee #Host #NewsAnchor #英文司儀 #日文司儀 #國語司儀 #普通話司儀 #廣東話司儀 #新聞主播 #盈悠型遊 #HKMC #MC #HKEMCEE #EnglishMC #CantoneseMC #MandarinMC #ChineseMC #JapaneseMC #專業 #流利 #香港名人 #MC紫盈

 

Please reload

Featured Posts

盈悠の真情?假意?

May 9, 2015

1/6
Please reload

Recent Posts

February 7, 2020

December 7, 2019

Please reload

Archive