盈悠の主播帶你遊澳洲
墨爾本有「澳洲文化首都」之稱，亦是澳洲最主要的旅遊城市之一，每年有超過二百萬外地遊客來墨爾本。除了博物館、美術館以外，墨爾本還有甚麼獨特的魅力？
一落機我就急不及待，前往第一站 Sealife Aquarium﹗水族館座落市中心，雖然佔地不算大，但麻雀雖小，五臟俱全，而且企鵝館每日抽出一位入場人士同企鵝親密接觸，今次我就成為幸運兒﹗進入企鵝館同企鵝selfie之前，工作人員特別提醒我， 不能主動觸摸企鵝，我唯有企定定，誰知道企鵝一點也不怕人，又親又啄撩我玩﹗
墨爾本有全世界最大的輕鐵系統，基本上坐輕鐵就可以去到9成主要景點。墨爾本市內特設的免費循環線電車服務，古色古香的電車，由墨爾本地標 Flinders Street Station 開出，在中央商業區行走，分順時針和逆時針兩條線。每經過景點時，車上都有廣播講解，既方便又輕鬆。
說是「文化首都」，墨爾本有好多有型好去處。位於商場頂樓天台的帳篷酒店，總共有三十個帳篷，提供一種在市中心去Camp一樣的另類體驗。不過價錢並不便宜，325至460澳元一晚，但帳篷有冷氣、飲品、豪華大床，早上也有免費的靜觀課。
悠閒走到 Smith Street ，這條街以前是墨爾本的罪案黑點，不過隨着城市變遷，已經進化成新食肆和商鋪進駐的「Hip Street」。誠意推介 Vintage Garage ，非常這面積大、樓底高的店鋪，邀請了四十多位復古收藏家和設計師售賣各種復古商品。由至潮的二手衫褲鞋襪，到家品、黑膠碟，甚至禮服婚紗都有﹗
在墨爾本街頭，最吸引眼球的莫過於一幅幅高水準的塗鴉畫作。當地街頭藝術家亦可名正言順舉辦導賞團，不單止教你由零開始親手試噴畫作，還會講解街頭藝術的歷史和價值，真係點止「塗鴉咁簡單」﹗
