盈悠の賣酒要講CP值
早前接愛財經專訪的節錄：
苗條為食妹
由做主播，到做司儀、拍攝旅遊節目，呢幾年身形仍然苗條的黃紫盈，點睇都唔似個為食妹？ 但佢不諱言自己一日可以「食好多餐」，喺日本讀書時，每逢見到未食過的食物，都會買嚟食。雖然有時會「中伏」，唔係吓吓食中好嘢，但食過好嘢，必定推介畀朋友，結果肥咗5公斤返香港。
鍾意飲飲食食的黃紫盈，一直想喺飲食業大展拳腳，早排同一名對酒有專業認識的拍檔，喺觀塘開咗間酒窖，叫做皇后酒窖，主要賣德國酒，主打白酒、朱古力香味紅酒、朱古力奶酒、果香味葡萄酒等。
Sell酒唔離地
識酒之人，當然對酒有追求，而一般人對酒亦有自己的需要，坦言對酒認識唔算深的黃紫盈會問自己：「我自己鍾意飲的酒，或專業品酒師鍾意飲的酒，係咪代表大家想要嘅呢？」所以入手性價比高的酒，都係由拍檔負責，黃紫盈則從大眾、女性及年輕人角度為客人推介美酒，盡攬專業同大眾兩個酒品巿場。
因為酒窖賣的酒唔離地，唔少價錢都係百幾二百蚊支，性價比高、價錢貼地，又方便存放，「即係你買咗返屋企，飲唔晒雪落雪櫃，隔幾日仲飲得嘅酒。」
酒窖開咗約2個月，聖誕節、新年同情人節期間，唔少平時冇飲開酒的男女都走上嚟，撞見黃紫盈，都會問佢應該買乜酒送畀另一半好。黃紫盈話，女性多喜歡舒服、入口順滑的酒，而男性則喜歡酸度較高，可襯肉類晚餐嘅酒，各位巴絲打記住喇。
新聞工作訓練助創業
黃紫盈認為，做主播同記者畀到佢一個好好的訓練，由思考主題，到訪問邊個人，構思好後再要同攝影師夾，事後再要寫稿，將出街片段交畀剪接師，「講緊嘅係一手一腳，由零到有，出街果刻都係自己做。」就係咁，黃紫盈練成凡事可以親力親為嘅能力，今日同拍檔順利創辦酒窖，「無論創業，或擔當公司任何角色，都有好大幫助。」
了解更多關於皇后酒窖Queens Wine：
中英日四語司儀, 大型活動司儀, 商場活動司儀, 發布會司儀, 晚宴典禮司儀, 婚禮司儀, 粵語司儀, 國語司儀, 英語司儀, 日語司儀, 普通話司儀, 日文司儀, 英文司儀, 中文司儀, 專業司儀, 星級司儀, 節目主持, 無綫電視, 新聞主播, 新城電台, 黃紫盈, Connie Wong, Emcee, MC, Host, TVB, News Anchor, DJ, Cantonese MC, English MC, Japanese MC, Mandarin MC, Putonghua MC, Annual Dinner, Gala Dinner, Award Ceremony, Product Launch, Grand Opening
