盈悠の重遊驚喜

監製兼主持的旅遊節目《盈遊－好想飛》系列，讓我多個藉口比自己「遊歷世界」，盈遊不同國家和地區，行多幾里路，又長一點新知識。

世界真細小，有些地方去完又去，其實仲有咩介紹？旅遊有趣的地方是，只要換個不同心情、不同角度、不同季節，你會看到不一樣的景致。即使是「重遊」，每次都可以有新驚喜，新體驗，新知識，這也是「盈遊」停不了的原因。

早前重臨日本淡路島，為睇夜空滿天星，我自幼鍾意抬頭望星，尋浪漫：「我係專登嚟呢度睇星，因為酒店房天花有個天窗，夜晚瞓喺度可以望到星，天窗仲有放大功能，所以望得特別清楚，我唔係特別擅長天文，但我真係望到獵戶座，好清好靚。」 度假酒店地方大，還設有主題樂園，我試玩了一個考體能的冒險遊戲，開初以為好簡單，還豪氣表示要挑戰最高難度，最後經不起工作人員勸戒，改玩第二級，企到上去，開始識驚：「目測以為好簡單，但原來真係有難度，有獨木橋同行鋼線，好講平衡力，可能太耐冇用手腳肌肉攀爬，玩完第二日手腳都痛，原本有啲遊戲係要同人鬥快，但嗰日咁啱冇其他人，好似包場咁，冇人同我鬥快，仲特別優待安排攝景師最佳位置拍攝，影出嚟好似幾型，玩完二級，對住最高難度嗰個成八咪高，真係淆底唔敢玩。」 樂園內還有一個「夜行火鳥」景點，是一個有故事性主題的夜行活動，燈光效果，營造天空像放煙花，及有火鳥飛過，呢個絕對是「盈遊推介」，勁浪漫。另外，還可以自駕遊到附近新開的Hello Kitty餐廳及畫廊，雖然我並非Kitty迷，但看到這個卡通人物也突然童心起。

相關新聞： https://hk.on.cc/hk/bkn/cnt/entertainment/20190329/bkn-20190329020600865-0329_00862_001.html

#司儀 #主持 #黃紫盈 #Conniewty #ConnieWong #MC #Emcee #Host #NewsAnchor #英文司儀 #日文司儀 ＃國語司儀 ＃普通話司儀 ＃廣東話司儀 #新聞主播 #盈悠型遊 #HKMC #MC #HKEMCEE #EnglishMC #CantoneseMC #MandarinMC #ChineseMC #JapaneseMC #專業 #流利 #香港名人 #MC紫盈